Enski landsliðsmaðurinn Kalvin Phillips átti vægast sagt slæma innkomu hjá West Ham er liðið tapaði fyrir Newcastle, 3:4, í ensku úrvalsdeildinni í fótbolta á laugardag.
Phillips kom inn á miðjuna hjá West Ham á 69. mínútu í stöðunni 3:1 fyrir West Ham. Nokkrum mínútum síðar braut hann á Anthony Gordon innan teigs og Newcastle fékk víti. Newcastle skoraði síðan tvö mörk til viðbótar.
Phillips, sem er lánsmaður frá Manchester City, fékk að heyra það frá stuðningsmönnum West Ham á leið sinni í liðsrútuna eftir leik. Brást hann við með að sýna þeim puttann, nánar tiltekið löngutöng.
Myndskeið af atvikinu má sjá hér fyrir neðan.
West Ham fan: "Useless!"
— EuroFoot (@eurofootcom) March 30, 2024
Kalvin Phillips: "🖕" pic.twitter.com/uoZnOIqKVQ