Innanríkisráðherra Sýrlands fremur sjálfsmorð

Innanríkisráðherra Sýrlands, Ghazi Kanaan, einn af hátt settum yfirmönnum sem Sameinuðu þjóðirnar hafa yfirheyrt í tengslum við morð á fyrrum forsætisráðherra Líbanons, er látinn. Talið er að hann hafi framið sjálfsmorð. Dauði Kanaan á sér stað örfáum dögum áður en að skýrsla S.Þ. um málið verði birt.

Að sögn fréttaskýrenda er lát Kenaan merki um þá ólgu sem á sér nú stað í Sýrlandi. Talið er stjórn landsins sé að undirbúa sig undir þann möguleika að S.Þ. gæti bendlað marga hátt setta menn innan sýrlensku ríkisstjórnarinnar við morðið á Rafik fyrrum forsætisráðherra Líbanon.

Upplýsingafulltrúi Sýrlands, Mahdi Dakhlallah, greindi Al-Arabiya sjónvarpsstöðinni frá því að dauði ráðherrans kæmi ekki til með að hafa áhrif á pólitískan stöðugleika landsins. Hann sagði að Kanaan hafði virst vera afar ósáttur og reiður gagnvart þeirri herferð sem líbanskir stjórnmálamenn og fjölmiðlar hafi herjað gegn Sýrlandi.

• Blogga um frétt