Senda inn efni
Unnið að niðurrifi Valhallar í kvöld.
Ekkert stendur eftir í kvöld
Bloggað um fréttina
-
Guðmundur ÁsgeirssonTáknrænir atburðir á ögurstundu fyrir Ísland
-
Kjartan BjörgvinssonHversu oft eigum við eftir að sjá þessa fyrirsögn…
-
Gunnar GunnarssonAnnus horribilis
-
Marta GunnarsdóttirRáðherrabústaðurinn brann líka 10. júlí
Slökkviliðsmenn á Þingvöllum undirbúa nú að brjóta niður þekjuna á síðasta hluta Hótel Valhallar sem enn stendur til að slökkva í glæðum þar undir. Ekkert mun því standa eftir af húsinu í kvöld.
Snorri Baldursson, aðstoðarslökkviliðsstjóri hjá Brunavörnum Árnessýslu, segir líklegt að slökkviliðsmenn verði að vinna fram undir miðnætti. Slökkviliðið var kallað út vegna brunans á fimmta tímanum í dag, en nú eru alls sjö slökkviliðsbílar á svæðinu.
„Það vantaði ekki græjurnar, húsið brann bara of hratt,“ segir Snorri. Hótel Valhöll er meira eða minna timburhús, þó nýjasti hlutinn, þar sem enn logar, sé steyptur.
mbl.is/Dagur Gunnarsson
mbl.is/Dagur Gunnarsson
„Það virðist nokkuð ljóst að það kviknaði í eldhúsinu út frá grilli og eldurinn hefur teygt sig upp í háfinn, þaðan í stokkinn og í þekjuna. Þaðan hefur hann breiðst út,“ segir Snorri. Nokkuð algengt er að eldsupptök verði með þessum hætti. „Þeir eru mjög hættulegir þessir háfar, það safnast fita innan í þá sem eldurinn breiðist auðveldlega út frá.“
Að sögn Snorra tókst að bjarga gaskútum sem voru inni í húsinu og einnig tókst að verja olíutank sem stóð bak við húsið. Því hefði ekki myndast verulegt hættuástand, en mikið puð hefði verið að slökkva eldinn.
mbl.is/Dagur Gunnarsson
Til baka
