Lóan er komin

Fyrstu heiðlóur ársins sáust kl. 08:45 utan við Ósland á Höfn í Hornafirði nú í morgun, 2 fuglar. Þetta er mjög eðlilegur tími fyrir fyrstu fuglana, en á undanförnum 8 árum hafa fyrstu fuglarnir sést á tímabilinu 20.- 31. mars og í fjögur skipti þann 24.

Þetta kemur fram á vef Félags fuglaáhugamanna á Hornafirði. Þar segir að koma fyrstu lóanna til landsins sé mikið ánægjuefni fyrir Íslendinga, þar sem hún sé hinn eini sanni vorboði og muni með sínu ljúfa dirrrinndíi ylja landsmönnum næstu mánuðina.

Félag fuglaáhugamanna á Hornafirði

• Blogga um frétt