Hvetja stjórnvöld til að styðja við rekstur Byrs

Stofnfjáreigendur í Byr sparisjóði hvetja stjórnvöld til þess að styðja við sparisjóðinn og tryggja að í stjórnendateymi sparisjóðsins verði einungis skipað grandvart og heiðarlegt fólk.

Þetta kemur í ályktun fundar sem haldinn var á Grand Hóteli í dag, en Sveinn Margeirsson, verkfræðingur og stofnfjáreigendi í Byr og Rakel Gylfadótir eiginkona hans boðuðu til fundarins undir yfirskriftinni „Stöndum vörð um Byr sparisjóð."

Ályktunin, sem var samþykkt með yfirgnæfandi meirihluta fundarmanna, er svohljóðandi:

Fundurinn hvetur stjórnvöld til að styðja við rekstur sparisjóðsins og tryggja með því eðlilega þjónustu og samkeppni á fjármálamarkaði Íslendingum öllum til heilla. Jafnframt vill fundurinn af gefnu tilefni hvetja stjórnvöld til að tryggja að í stjórn sparisjóðsins og æðsta stjórnendateymi verði einungis skipað grandvart og heiðarlegt fólk sem tilbúið er að vinna af trúmennsku í þágu fyrirtækisins, án þess að persónulegir hagsmunir viðkomandi eða annarra fyrirtækja þeim tengdum, gangi þar framar.

Frétt af mbl.is

Gagnrýni á stjórn Byrs

• 2 blogg um fréttina

Bloggað um fréttina

• Guðmundur Pétursson: Reka stjórn og stjórnendur til að byrja með
• Haraldur Haraldsson: Hvetja stjórnvöld til að styðja við rekstur Byrs/Gott mál það!!!!