18 ára aldursmunur á fyrirsætum Burberry

Fimmta ilmvatnið frá Burberry kom á markað nýverið og kallast ilmurinn einfaldlega My Burberry. Auglýsingaherferðin, sem var afhjúpuð fyrr í dag, fyrir nýja ilminn er ekki af verri endanum en bresku fyrirsæturnar Kate Moss og Cara Delevinge eru þar í aðalhlutverki.

Það sem þykir merkilegt við þetta tvíeyki að önnur þeirra er 40 ára gömul og hin er 22 ára og því eru 18 ár á milli þeirra.

Ilmatnið nýja ku vera innblásið af klassíska rykfrakkanum sem Burberry tískuhúsið er einna helst þekkt fyrir og að sjálfsögðu klæðast þær Moss og Delevinge slíkum frakka á ljósmyndunum sem Mario Testino sá um að taka.

Nýjasti Burberry ilmurinn kemur í fallegu glasi. burberry.com

• Blogga um frétt