Erfiðar morgunrútínur sem margborga sig

Þó það sé auðvelt að blunda á morgnanna og standa ekki upp fyrr en á síðustu stundu og fá sér banana og kaffi úr ferðamáli á leið í vinnuna er hægt að koma sér upp betri morgunrútínu eins og The Independent fór yfir. Þetta krefst vissulega meiri sjálfsaga en margborgar sig.

Vakna eldsnemma

Í könnun sem tímastjórnunarsérfræðingurinn Laura Vanderkam gerði á meðal framkvæmdastjóra kom í ljós að 90 prósent þeirra vöknuðu fyrir klukkan sex á morgnanna. Framkvæmdastjóri Disney, Bob Iger, fer til dæmis á fætur klukkan hálffimm og les.

Það getur borgað sig að vakna snemma. mbl.is/Thinkstockphotos

Byrjaðu daginn á æfingu

Með því að byrja daginn á æfingu ertu ólíklegri til að fresta henni síðdegis þegar þreytan fer að segja til sín. Ef uppteknasta fólk í heiminum getur skellt sér á æfingu á morgnana geta allir það. Barack Obama byrjar til dæmis alla daga á æfingu.

Það er mikilvægt að borða almennilegan morgunmat. mbl.is/Thinkstockphotos

Borðaðu almennilegan morgunmat

Slepptu morgunkorninu og reyndu að borða almennilegan morgunmat með prótíni. Það eru allir að drífa sig á morgnana en það á eftir að margborga sig.

Stundaðu kynlíf eða talaðu við maka þinn

Fólk er líklegra til þess að vera þreytt eftir daginn á kvöldin og því er tilvalið að tengja við maka sinn á morgnana. Auk þess að morgunkynlíf gefur manni góða orku út í daginn.

Morgunstund gefur gull í mund. mbl.is/Thinkstockphotos

Njóttu kyrrðarinnar

Eldhúsið og baðherbergið geta oft verið eins og lestarstöð á háannatíma á morgnana. Því getur verið gott að vakna snemma og njóta þess að vera til í rólegheitunum áður en dagurinn hefst fyrir alvöru. En það er oft erfitt að finna tíma til þess að slaka á á miðjum vinnudegi.

Gefðu þér tíma fyrir gæluverkefni á morgnana

Það er auðvelt að gefa sér ekki tíma fyrir gæluverkefnin sín þegar maður kemur þreyttur heim úr vinnunni. Það eru margir sem gefa sér klukkutíma á morgnana til þess að vinna að verkefnum sem þeir hafa ástríðu fyrir. Sögukennari við University of Chicago eyddi til dæmis nokkrum tímum á morgnana í að skrifa bók um trúarbragðapólitík í Vestur-Afríku.

Nýttu orkuna á morgnana og hlúðu að gæluverkefnunum. mbl.is/Thinkstockphotos

Búðu til plan

Hvað sem þú gerir á morgnana er gott að búa til dagskrá daginn áður. Þar með vaknar maður ekki bara án þess að vera búin að ákveða hvernig skuli verja deginum. Tíminn er dýrmætur.

• Blogga um frétt