Hulda Sigríður í Línunni selur höllina í Breiðholtinu

Hulda Sigríður Kristjánsdóttir sem starfar í Línunnar, sem er fjölskyldufyrirtæki, hefur sett einbýlishús sitt í Breiðholtinu á sölu. Um er að ræða 210 fm einbýli sem reist var 1974 og er það við Hléshóla. Fasteignamat hússins er 126.400.000 kr. en ásett verð 157.900.000 kr. 

Hulda Sigríður er mikil smekkkona eins og sést á heimilinu. 

Eldhúsið er á efri hæð hússins og er það opið inn í alrými. Hátt er til lofts og vítt til veggja. Ljósar innréttingar prýða eldhúsið nema einn efri skápur sem er grár að lit og með glerhurðum. Munstraðar flísar á milli skápa setja svip sinn á hornið. 

Eldhúsið er nýlega uppgert með ljósri innréttingu. Ljósmynd/Fasteignaljósmyndun.is

Eyjan er klædd með borðplötuefni. Ljósmynd/Fasteignaljósmyndun.is

Í stofunni er hvítur músteinsveggur sem gefur stofunni skemmtilegt yfirbragð. Þar er líka arinn sem gott er að ilja sér við á köldum vetrarkvöldum. Hönnunin á arninum er sérstök en háfurinn sjálfur nær upp í loft og er eins og pýramídi í laginu. 

Stór garðskáli er við húsið sem tengir saman garð og húsið sjálft. 

Sjá nánar á fasteignavef mbl.is: Hléskógar 19

• Blogga um frétt