Það var margt um manninn í Hörpu í gærkvöldi þegar íslenska djasslistamaðurinn Laufey Lín Jónsdóttir hélt tónleika. Beðið hefur verið með eftirvæntingu eftir tónleikunum en færri komust að en vildu. Laufey hlaut á dögunum Grammy-verðlaunin fyrir fyrir plötu sína Bewitched í flokki hefðbundinna söng-poppplatna (e. traditional pop vocal album).
Um 1600 miðar voru í boði á tónleikana og seldist upp á þá á örskotsstundu. Það má því segja að Kolbeinn Tumi Daðason og Selma Björnsdóttir, Einar Bárðarson, Sigtryggur Baldursson, Eyþór Ingi og Gísli Gíslason séu mikið forréttindafólk að hafa fengið miða á tónleikana.
Laufey skaust upp á stjörnuhimininn 2020 og hefur frægðarsól hennar risið jafnt og þétt síðan. Árið 2020, á meðan hún var enn nemandi við hinn virta Berklee College of Music, gaf Laufey út sína fyrstu smáskífu, Street by Street, sem náði á topp íslenska vinsældalistans. Verk hennar hafa verið flutt víða um heim og hefur hún hlotið ýmsar viðurkenningar, en árið 2022 var Laufey mest streymdi djasslistamaður á Spotify, með 425 milljónir streyma.