Tískuhönnuðurinn Karl Lagerfeld hefur ávítað raunveruleikastjörnuna Kim Kardashian fyrir að flagga auðæfum sínum, en það hefur líkast til ekki farið fram hjá neinum að stjarnan var rænd aðfaranótt mánudags.

Ræningjarnir, sem voru grímuklæddir og vopnaðir byssum, náðu að hafa á brott með sér skartgripi sem metnir eru á 10 milljón evrur, sem samsvarar tæplega 1,3 milljörðum í íslenskum krónum.

„Þú getur ekki flaggað auðæfum þínum og svo verið hissa þegar fólk vill deila þeim með þér,“ sagði Lagerfeld við blaðamenn eftir tískusýningu Chanel í dag.

„Ef þú ert svona fræg og venur þig á að sýna skartgripi þína á netinu verður þú að dvelja á hótelum þar sem enginn getur komist nálægt herberginu þínu.“

„Ég skil ekki hvers vegna hún var á hótelherbergi með enga öryggisgæslu.“

Raunveruleikastjarnan hafði dvalið í París í nokkra daga þegar ræningjarnir brutust inn á hótelherbergi hennar, en hún var þátttakandi í tískuvikunni. Nokkru áður en ránið átti sér stað hafði hún deilt ljósmynd af 20 karata demantshring sínum á Instagram, en hann er metinn er á 513 milljónir króna.

Frétt mbl.is: Hver var hlutur samfélagsmiðla í ráninu?

Stjarnan deildi mynd af forláta demantshring sínum skömmu áður en ræningjarnir létu til skarar skríða. Ljósmynd / skjáskot Instagram

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt