Tónlistarmaðurinn og poppstjarnan, Páll Óskar Hjálmtýsson, gekk í hjónaband í gær. Sá heppni heitir Edgar Antonio Lucena Angarita og er hælisleitandi. Hann hefur veitt Páli Óskari mikinn innblástur í tónsmíðar síðustu mánaða þar sem ástin er umlykjandi.

Frá þessu greinir Páll Óskar á Facebook síðu sinni. Brynhildur Björnsdóttir, athafnarstjóri hjá Siðmennt og vinkona poppstjörnunnar, sá um að pússa turtildúfurnar saman.

„Besti dagur lífs okkar, fullur af ást og skilyrðislausum kærleika,“ segir í færslunni.

Tekur hann fram að þeir muni endurtaka leikinn síðar með öllum sem þeir þekkja í risabrúðkaupsveislu.

„Allir sem þekkja mig segja það sama: þau hafa aldrei séð mig svona hamingjusaman í lífinu. Ég ætla að vera besti eiginmaður í heimi, og ákkurat þegar þú heldur að ég geti ekki orðið betri fyrir þig, þá mun ég halda áfram að koma þér á óvart, bæta mig meira og verða bara betri,“ segir Palli meðal annars.

Smartland óskar Páli Óskari og Angarita til hamingju með ráðahaginn!

Tengdar fréttir

Brúðkaup

Hlaðvarpsstjarna gekk í það heilaga í Mexíkó

• Ekki skila gæsinni áfengisdauðri heim eða steggnum heim í gifsi!
• Hvað er hægt að gefa „hressa parinu“ í brúðkaupsgjöf?
• Giftu sig í kastala í Elton John-brúðkaupi
• „Þetta var einn besti dagur lífs okkar“

» Fleiri tengdar fréttir

• Blogga um frétt