Jennifer Aniston giftist unnusta sínum, Justin Theroux, á dögunum og er giftingarhringurinn sko ekkert slor heldur alsettur demöntum. Hjónin eru nýkomin heim úr brúðkaupsferð frá Bora Bora en nú er hún mætt aftur í vinnuna og það beint á rauða dregilinn.
Leikkonan, sem er 46 ára, geislaði af hamingju þegar hún mætti á frumsýningu myndarinnar She´s Funney That Way í Los Angeles. Hún klæddist samfestingi frá Roland Mouret og var með hárið slegið.
Erlenda pressan lagði metnað í að ná ljósmynd af giftingarhringnum enda hefur heimsbyggðin þannig séð beðið eftir því augnabliki í áratug að Aniston gengi í hjónaband á ný eftir að hún skildi við Brad Pitt.
Giftingarhringurinn er klassískur og fallegur og úr gulli ekki platínu eins og hefur verið svo vinsælt. Hringurinn þrískiptur, tvær línur af gulli sem eru tengdar með einni línu af demöntum. Ekki er vitað hversu mörg karöt hver demantur er en þeir eru nokkuð veglegir ef eitthvað er að marka myndina.
Gullið hefur verið að sækja í sig veðrið upp á síðkastið og má búast við því að giftingarhringir framtíðarinnar verði eitthvað í þesum stíl ef eitthvað er að marka Aniston sem trendsetter.