Naut sín í 260 þúsund króna kjól

Katrín hertogaynja af Cambridge þykir ein glæsilegasta kona heims, en hún vekur jafnan mikla eftirtekt hvert sem hún fer.

Katrín er alltaf á stöðugu flandri, en um þessar mundir er hún stödd í opinberri heimsókn í Essex.

Að sjálfsögðu var hertogaynjan stórglæsileg, en hún klæddist kjól úr smiðju franska hönnuðarins Joseph Altuzarra.

Kjóllinn, sem kostaði 260 þúsund krónur, er nú uppseldur líkt og fram kemur í frétt Mirror, en þetta er í fyrsta skipti sem hertogaynjan klæðist hönnun Altuzarra opinberlega. 

Katrín klæddist síðan fölbleikum skóm við kjólinn, auk þess sem hún bar hálsmen og eyrnalokka frá Mappin og Webb.

Að sjálfsögðu var prinsinn ekki fjarri góðu gamni. Ljósmynd / skjáskot Mirror

Kjóllinn er fagurblár, alsettur hressilegum doppum. Ljósmynd / skjáskot Mirror

• Blogga um frétt