Sló í gegn í fjólubláa kjólnum

Leikkonan Lupita Nyong'o þótti hitta alveg í mark á frumsýningu myndarinnar Queen of Katwe að mati tískuspekúlanta. Leikkonan klæddist ljósfjólubláum kjól úr smiðju Elie Saab og var með skart frá Graziela Gems.

Frumsýning myndarinnar var fyrr í vikunni í El Capitan-kvikmyndahúsinu í Hollywood. En Lupita Nyong'o var ekki sú eina sem vakti athygli á frumsýningunni því það sem einkenndi gesti hennar var einmitt litríkur klæðnaður.