Er þetta vinsælasti jakki í heimi?

Tískuvöruverslunin Zara nýtur gríðarlegra vinsælda, en jakki úr smiðju þeirra er að gera allt vitlaust um þessar mundir.

Jakkinn er svo vinsæll að stofnaður hefur verið Instagram-reikningur honum til heiðurs, enda er hann hreinlega út um allt. Konur á öllum aldri virðast kunna að meta jakkann, sem er dökkblár með hvítu mynstri.

Jakkinn kostar 15.995 krónur hér á landi, en hann má sjá hér.

„Þegar þú hefur tekið eftir honum ferðu að sjá hann við hliðina á þér í lestinni, í röðinni þar sem þú ert að kaupa samloku eða í brúðkaupinu sem þú ert í,“ sagði stofnandi síðunnar í samtali við Daily Mail.

„Við sáum hann út um allt en okkur fannst enginn veita þessum látlausa jakka gaum, þar sem hann var að koma sér fyrir á götum Lundúnaborgar.“ Nú er bara spurning hvort jakkinn slái í gegn hérlendis.

Blaðamaður Daily Mail skartar jakkanum góða.

 Ferð í ísbúðina virðist verða enn betri í jakkanum. 

Eins og sjá má er vinsælt að klæðast jakkanum í lestinni.

Jakkinn höfðar til kvenna á öllum aldri.

Þessi var svo ánægð með jakkann að hún ákvað að kaupa sér fleiri flíkur frá Zöru.

Jakkinn hefur rokið úr hillunum. Ljósmynd / skjáskot Zara

• Blogga um frétt