Dragtin sem Katrín elskar

Katrín, hertogaynja af Cambridge, er þekkt fyrir fágaðan og flottan stíl enda er hún ávallt vel til höfð.

Hertogaynjan á fúlgur fjár, auk þess sem hönnuðir keppast um að fá að klæða hana. Það þýðir þó ekki að hún noti fötin sín aðeins einu sinni og síðan ekki söguna meir. Katrín er nefnilega sérlega lunkin að finna sér klassískar flíkur, sem standast tímans tönn.

Í gær skellti hertogaynjan sér í opinbera heimsókn, eins og svo oft áður, og klæddist forláta vínrauðri dragt úr smiðju Paule Ka.

Dragtin hefur fylgt hertogaynjunni í fimm ár, eins og fram kemur í frétt Popsugar, en hún klæddist henni fyrst opinberlega árið 2012.

Dragtin hefur augljóslega staðist tímans tönn. Skjáskot / Popsugar

Katrín klæddist dragtinni fyrst árið 2012. Skjáskot / Popsugar

• Blogga um frétt