Urðu eins og nýjar

Harpa Rós Gísladóttir og Hrönn Sveinsdóttir segjast finna mikinn mun á andlitinu eftir að þær byrjuðu að nota þörungamaskann frá Bláa lóninu. Þörungamaskinn kemur formlega á markað í dag og býr hann yfir mörgum góðum eiginleikum. Einn af þeim er að hægja á öldrun húðarinnar.

Harpa Rós, sem er 34 ára og Hrönn, sem er 45 ára, fengu að prófa maskann áður en hann kom á markað. Harpa Rós segir að maskinn hafi hjálpað henni að endurheimta ljóma húðarinnar.

„Ekki nóg með að aldurinn sé að færast yfir þá er líka tíminn minni til að sinna „beuaty-treatmentum“ en áður. Eftir að ég átti tvíburana mína sumarið 2010 breyttist margt hjá okkur fjölskyldunni og mamman fékk minni tíma til að sinna sjálfri sér. Þegar strákarnir fæddust komst ég að því að það þarf eitthvað sérstakt til að aðstoða við að endurheimta ljóma, fela þreytumerki og bauga á augabragði. Ég þekkti svo sem þreytumerki og bauga þar sem ég hef starfað sem flugfreyja og vinn á öllum tímum sólarhringsins en nú þurfti ég eitthvert undraefni, því nú var ekki nóg að fara út í góða loftið að hvetja stóra strákinn áfram í fótboltanum en það var mitt ráð en var klárlega hætt að virka,“ segir Harpa Rós. 

Hún segir að þörungamaskinn hafi uppfyllt allar sínar kröfur um að gefa húðinni ljóma á aðeins tíu mínútum. Hún segir að maskinn hafi í raun framkallað allsherjar „make over“ í hvert skipti sem hún hefur prófað hann.

„Mér fannst húðin verða stinnari, sýnileg þreytumerki minnka til muna og ljóminn, kannski þessi æskuljómi færast yfir. Nú hljóma ég kannski eins og ég sé að komast á sjötugsaldurinn, sem er ekki, en líður oft þannig þegar ég lít í spegil og sé hversu þreytuleg ég get verið. Þá er bara að smella á sig smá maska og „voila“, segir Harpa Rós.

Hrönn Sveinsdóttir, fjármálastjóri Vodafone, er þriggja barna móðir. Hún segir að vörulínan frá Bláa lóninu hafi reynst sér vel. 

„Fyrir nokkrum árum kynntist ég vörunum frá Blue Lagoon og hef smám saman verið að prófa mig áfram með vörulínuna með frábærum árangri. Fyrir stuttu fékk ég tækifæri til að prófa nýjustu afurðina „Algae maskann“ og árangurinn hefur verið ótvíræður, húðin er endurnærð, sléttari, meiri raki og glóandi yfirbragð. Ég get fyllilega mælt með nýja maskanum frá Blue Lagoon, sem og öðrum vörum í vörulínunni og að mínu mati standast þær fyllilega samanburð við önnur erlend vörumerki sem ég hef notað í gegnum tíðina. Ég skora á íslenskar konur að kynna sér vörurnar frá Blue lagoon,“ segir Hrönn. 

Þörungamaskinn frá Bláa Lóninu virkar vel að sögn Hörpu Rósar og Hrannar. Ljósmynd/Bláa Lónið

• Blogga um frétt