Langt er síðan ÍBV vann stóran titil í knattspyrnu en kvennalið félagsins varð bikarmeistari fyrir tólf árum. Karlaliðið varð Íslands- og bikarmeistari árið 1998 en liðið tapaði bikarúrslitaleik gegn ÍA árið 2000.
Sé þessi saga höfð til hliðsjónar er ekki að undra að stemmningin og spennan í Vestmannaeyjum sé mikil en bæði karla- og kvennaliðið eru á leið á Laugardalsvöll í úrslitaleik bikarkeppninnar. Kvennaliðið mætir Íslandsmeisturum Breiðabliks föstudagskvöldið 12. ágúst. Daginn eftir mætir karlaliðið bikarmeisturum Vals í úrslitum.
Konurnar sigruðu Þór/KA í undanúrslitum eftir framlengdan leik fyrir viku og karlarnir sigruðu FH á fimmtudagskvöldið.
Sjá frétt um árangur Eyjamanna í boltanum í heild í íþróttablaði Morgunblaðsins í dag.