Hollendingar renna hýru auga til Ara
Ari Freyr Skúlason er undir smásjá forráðamanna hollenska liðsins Groningen.
mbl.is/Eggert Jóhannesson
Setja bókamerki
Tengdar fréttir
EM 2016 í fótbolta
Hollenska knattspyrnuliðið Groningen er sagt vera með Ara Frey Skúlason í sigtinu vegna vasklegrar framgöngu hans með íslenska landsliðinu í Evrópukeppninni í knattspyrnu í Frakklandi.
Eftir því sem hollenska dagblaðið van het Noorden greinir frá hafa forráðamenn Groningen mætt á nokkra leiki íslenska landsliðsins á EM beinlínis til þess að fylgjast með íslenska bakverðinum. Fyrrgreint dagblað hefur eftir Magnúsi Agnari Magnússyni, umboðsmanni Ara Freys, að hann hafi ekkert um málið að segja á þessari stundu.
Ari Freyr, sem er 29 ára gamall, á hálft ár eftir af samningi sínum við danska liði OB. Hann getur þar með samið við hvaða lið sem er um vistaskipti. OB getur ekki lagt stein í götu Ara Freys.
Tengdar fréttir
EM 2016 í fótbolta
