Enska B-deildarliðið Nottingham Forest var ekki lengi að finna eftirmann Stuarts Pearce sem rekinn var úr starfi knattspyrnustjóra hjá félaginu í dag.
Dougie Freedman var í kvöld ráðinn nýr stjóri liðsins en hann er fyrrverandi leikmaður félagsins og hefur stýrt liðum Crystal Palace og Bolton í ensku B-deildinni.
Pearce var ráðinn stjóri Forest síðastliðið sumar. Liðið byrjaði tímabilið vel undir hans stjórn en á síðustu vikum hefur hvorki gengið né rekið hjá því og það hefur hefur tapað sex af síðustu sjö leikjum sínum.