Alex Oxlade-Chamberlain knattspyrnumaður hjá Arsenal er meiddur á hné á nýjan leik og verður frá keppni næstu sex til átta vikurnar að sögn Arsene Wenger knattspyrnustjóra liðsins.
Chamberlain meiddist á hné í febrúar en var kominn á skrið aftur þegar meiðsin tóku sig upp. Hann missir þar af leiðandi af síðustu leikjum Arsenal á leiktíðinni auk þess sem kappinn getur afskrifað með öllu þátttöku með enska landsliðinu í Evrópukeppninni í Frakklandi.