Sóknarmaðurinn Wilfred Bony hefur verið lánaður frá Manchester City til Stoke City út yfirstandandi keppnistímabil.
Bony, sem er 27 ára gamall, gekk til liðs við Manchester City frá Swansea í janúar í fyrra. Hann hefur ekki náð að festa sig í sessi í liði Manchester City og er því lánaður til Stoke.
„Ég þakka stuðningsmönnum Manchester City fyrir stuðninginn. Ég hlakka til spennandi tíma hjá Stoke í vetur,“ sagði Bony eftir að hann skrifaði undir samning við Stoke í morgun.