Fer frá Chelsea í sumar

Brasilíumaðurinn Thiago Silva mun yfirgefa herbúðir enska knattspyrnufélagsins Chelsea næsta sumar. 

Frá þessu greina miðlar á Englandi en Thiago Silva hefur verið hjá Chelsea undanfarin fjögur ár. 

Á hann að baki 149 leiki fyrir félagið og var lykilmaður er það vann Meistaradeildina árið 2021. 

Silva, sem verður fertugur á árinu, er með tilboð frá liðum í heimalandinu en hann hefur áður leikið með París SG og AC Milan. Þá á hann að baki 113 leiki með brasilíska landsliðinu. 

• Blogga um frétt