Caterham virðist búið að vera
Caterhamliðið virðist dautt og tröllum gefið.
Setja bókamerki
Nú er útlit fyrir að ekkert annað en dauði bíði Caterhamliðsins og það snúi ekki aftur til keppni í formúlu-1 eins og vonast hafði verið í vetur.
Skiptastjóri hefur gefist upp á tilraunum til að selja liðið og auglýst uppboð á eignum þrotabúsins.
Fyrir hálfum mánuði taldi skiptastjórinn góðar líkur á að kaupandi kæmi fram er héldi liðinu úti til keppni. Það rættist ekki í tæka tíð og hefur talsmaður uppboðshaldarans Wyles Hardy & Co. staðfest að eigur Caterhambúsins séu komnar í umsjá þess og verði seldar á röð uppboða á næstunni.
Fyrsta salan er ráðgerð 11. til 12. mars og verða þar á meðal keppnisbílar og tækjabúnaður sem brúkaður er á þjónustusvæðum móta. Fleiri uppboð eru svo ráðgerð til maíloka þar sem annar búnaður verður seldur.
Eðlilegt að fjör sé að færast í leikinn
Varðhald rennur út á morgun
Segja ekkert komið fram sem sanni sök flugmannsins
Búast við niðurstöðu í dag vegna varnargarðs
Mannlegir þættir orsakavaldur flugslyssins á Þingvallavatni
Lögreglan rannsakar andlátið á Litla-Hrauni