Íþróttir | Formúla 1 | mbl | 21.7.2015 | 14:40 | Uppfært 15:08

Bianchi borinn til grafar

Mynd 1 af 17 Nico Rosberg mætir til útfararinnar í Nice. Tvær stórar myndir af Bianchi hengu á kirkjuveggnum og blómahaf var þar fyrir framan. mbl.is/afp

Mynd 2 af 17 Ökumennirnir Jean-Eric Vergne (t.h.), Pastor Maldonado og Felipe Massa með vinum og fjölskyldu Jules Bianchi við kistu ökumannsins við krikjuna í Nice. mbl.is/afp

Mynd 3 af 17 Kona með ljósmynd af Jules Bianchi mætir til útfararinnar í Nice í morgun. mnl.is/afp

Mynd 4 af 17 Rekum kastað við lok útfarar Jules Bianchi í Nice í morgun. mbl.is/afp

Mynd 5 af 17 Blóm og kransar voru lagðir að vegg kirkjunnar í Nice þar sem útför Jules Bianchi fór fram. mbl.is/afp

Mynd 6 af 17 Meðal þeirra sem báru kistu Bianchi voru ökumennirnir Adrian Sutil (l.t.v.) og Jean-Eric Vergne (2. f.v.). mbl.is/afp

Mynd 7 af 17 Lewis Hamilton mætir til útfarar Jules Bianchi í Nice í morgun. mbl.is/afp

Mynd 8 af 17 Ökumennirnir Adrian Sutil, Nico Hülkenberg, Felipe Massa, Alain Prost (á skyrtu) og Marcus Ericsson mæta til útfarar Jules Bianchi. mbl.is/afp

Mynd 9 af 17 Adrian Sutil, Nico Hülkenberg, Felipe Massa og Marcus Ericsson mæta til útfararinnar. mbl.is/afp

Mynd 10 af 17 Sebastian Vettel faðmar föður Jules Bianchi, Philippe Bianchi, að sér við útför franska ökumannsins í Nice í morgun. mbl.is/afp

Mynd 11 af 17 Nico Rosberg mætir til útfarar. Borð við kirkjuvegginn eru sveipuð köflótta flagginu sem veifað er framan í sigurvegara þegar hann ekur yfior marklínu við lok kappaksturs. mbl.is/afp

Mynd 12 af 17 Þröng á þingi við útför Jules Bianchi frá Sainte Reparate dómkirkjunni í Nice í Frakklandi í morgun. mbl.is/afp

Mynd 13 af 17 Hjálmur Bianchi á kistu hans við útförina í morgun. Við kistuna standa m.a. Jean-Eric Vergne (2. f.h.) Pastor Maldonadoog Felipe Massa. mbl.is/afp

Mynd 14 af 17 Harmi þrunginn faðir Jules Bianchi, Philippe Bianchi, við útför sonar síns í Nice í morgun. mbl.is/afp

Mynd 15 af 17 Lewis Hamilton vottar Bianchi hinstu virðingu sína við kirkjuna í Nice í morgun. mbl.is/afp

Mynd 16 af 17 Hjálmur Jules Bianchi á kistu ökumannsins við útför hans. mbl.is/afp

Mynd 17 af 17 Jean-Eric Vergne, varaökumaður Ferrari, huggar Philippe, föður Jules Bianchi, við útförina í Nice. mbl.is/afp

Núverandi og fyrrverandi ökumenn í formúlu-1 voru meðal fjölmargra er sóttu útför franska formúluökumannsins Jules Bianchi í Nice á Miðjarðarhafsströnd Frakklands í dag. Þúsundir stuðningsmanna Bianchi komu saman við torg í bænum og minntust hans þar.

Sainte Reparate dómkirkjan í Nice var sneisafull af útfarargestum og komust færri inn en vildu. Auk núverandi og fyrrverandi ökumanna var forseti Alþjóða akstursíþróttasambandsins (FIA) við staddur og sonur hans Nicolas, sem var umboðsmaður Bianchi.

Meðal keppenda voru Alain Prost, fjórfaldur fyrrverandi heimsmeistari ökumanna í formúlu-1, Lewis Hamilton, Nico Rosberg, Sebastian Vettel, Felipe Massa, Romain Grosjean, Marcus Ericsson, Pastor Maldonado, Adrian Sutil, Nico Heidfeld og Jean-Erik Vergne.

Bianchi lést sl. föstudag, 17. júlí, en hann hafði legið í dái í níu mánuði frá óhappi sínu í japanska kappakstrnium í Suzuka 5. október í fyrrahaust. Hann er fyrsti ökumaðurinn í formúlu-1 til að bíða bana af völdum meiðsla í kappakstri frá því brasilíski ökumaðurinn Ayrton Senna lést í San Marínókappakstrinum í Imolabrautinni á Ítalíu 1. maí árið 1994.