Mark og rautt spjald hjá Rohde

Nichlas Rohde sem lék með Breiðabliki í Pepsi-deildinni á síðustu leiktíð kom töluvert við sögu þegar lið hans, AB, steinlá fyrir Silkeborg, 5:1, á heimavelli í dönsku B-deildinni í knattspyrnu í dag.

Rohde kom sínum mönnum yfir á 20. mínútu leiksins en hann fékk síðan að líta sitt annað gula spjald á 57. mínútu og var því rekinn af velli. Bjarni Þór Viðarsson lék síðustu 11 mínúturnar fyrir Silkeborg sem er í 2.-3. sæti deildarinnar og í harðri baráttu um að komast uppí úrvalsdeildina.

• Blogga um frétt