Úkraínska knattspyrnuliðið Dynamo Kiev rak í dag goðsögnina Oleg Blokhin úr starfi þjálfara liðsins vegna slaks gengis þess á leiktíðinni.
Dynamo Kiev tapaði á heimavelli fyrir Shakhtar í fyrradag og það tap fyllti mælinn hjá stjórnendum félagsins. Dynamo Kiev er sem stendur í þriðja sæti og er sjö stigum á eftir toppliðunum Shakhtar og Dnipro.
Við starfi Blokhins tekur við fyrrum markamaskína liðsins, Sergei Rebrov sem um tíma lék með Tottenham og West Ham á Englandi. Rebrov mun stýra liðinu tímabundið en hann hefur verið aðstoðarþjálfari liðsins undanfarin fjögur ár.