„Við verðum að vera mjög vel einbeittir og vanmeta ekki andstæðinga okkar. Það er aldrei auðvelt að spila á útivelli,“ segir Walter Mazzarri þjálfari ítalska liðsins Inter Mílanó en Inter mætir Stjörnunni í Evrópudeildinni á Laugardalsvellinum á miðvikudaginn í næstu viku.

Inter hitaði upp fyrir leikinn á móti Stjörnunni með því að gera markalaust jafntefli gegn gríska liðinu PAOK í æfingaleik gær en á dögunum beið Inter lægri hlut fyrir þýska liðinu Frankfurt, 3:1.

„Þessir æfingaleikir hafa verið okkur mjög mikilvægir en það er alveg ljóst að við munum ekki vanmeta Íslendinganna í næsta leik okkar. Það er mjög mikilvægt fyrir okkur að ná góðum úrslitum á Íslandi svo við getum mætt Stjörnunni án þess að vera áhyggjufullir á heimavelli okkar,“ sagði þjálfari Inter eftir leikinn við PAOK en Inter tefldi fram sínu sterkasta liði í leiknum í Grikklandi.

1 Handanovic, 23 Ranocchia, 5 Vidic, 5 Juan Jesus; 33 D'Ambrosio, 2 Jonathan, 90 M'Vila, 10 Kovacic, 55 Nagatomo; 88 Hernanes, 9 Icardi.

Tengdar fréttir

Stjarnan - Inter

Rúnar Páll: Göngum stoltir frá borði

• Sex marka tap á San Síró
• Rúnar vill Ingvar í landsliðið
• Við eigum séns
• Er þetta virkilega veruleikinn

» Fleiri tengdar fréttir

• Blogga um frétt