Íslenskt fimleikafólk heldur áfram að gera það gott á Norðurlandamótinu í áhaldafimleikum sem fram fer í Halmstad í Svíþjóð.
Norma Dögg Róbertsdóttir, nýkrýndur Íslandsmeistari í fjölþraut, hreppti silfurverðlaunin í stökki í úrslitum á einstökum áhöldum í dag en stökkið er ein af hennar sterkustu greinum. Silfurverðlaunin hljóta að vera gott veganesti fyrir Normu en hún tekur þátt í Evrópumótinu sem haldið verður í næsta mánuði.