Bikarmeistarar HK mæta Stjörnunni í undanúrslitum hjá báðum kynjum í bikarkeppni Blaksambands Íslands en dregið var í Laugardalnum í dag.
Í karlaflokki mætast Stjarnan og HK annars vegar, en KA og Þróttur Neskaupstað hins vegar. Hjá konunum mætir Þróttur Neskaupstað liði Aftureldingar, sem hefur haft talsverða yfirburði í Mizuno-deildinni í vetur, og Stjarnan mætir HK eins og áður segir.
Undanúrslitin fara fram 7. mars og úrslitaleikirnir degi síðar, en leikið verður í Laugardalshöll.