Þróttur Neskaupstað komst í dag í undanúrslit í bikarkeppninni í blaki kvenna eftir að liðið vann B-lið Aftureldingar í þremur hrinum í íþróttahúsinu að Varmá í Mosfellsbæ í dag.
Nokkuð jafnt var á öllum tölum í fyrstu hrinu upp í 15:15 en þá sigu Þróttarastelpurnar framúr og kláruðu hrinuna 25:20. Meiri yfirburðir voru hjá Þrótti í seinni tveimur hrinunum sem enduðu 25:14 og 25:15. Þróttur Nes vann því leikinn 3:0 og tryggði sér sæti undanúrslitum sem fara fram í Laugardalshöllinni 19. mars.
Úrvalsdeildarlið Aftureldingar tekur svo á móti Grundarfirði í Mosfellsbænum á þriðjudag kl 20 í 8 liða úrslitunum kvenna.
Meðfylgjandi er mynd af liðunum eftir leikinn í dag, eins og sést er talsverður aldursmunur leikmanna liðanna.