Íslenska karlalandsliðið í blaki þurfti að sætta sig við 3:1 tap gegn San Marínó á Smáþjóðaleikunum þar í landi í kvöld. Þetta var þriðji leikur liðsins á mótinu og er íslenska liðið stigalaust og á botninum. 

San Marínó vann fyrstu hrinuna 25:22 en Ísland jafnaði í 1:1 með því að vinna aðra hrinuna 29:27. San Marínó var hins vegar töluvert sterkari aðilinn í síðustu tveimur hrinunum sem enduðu með 25:12 og 25:16 sigri San Marínó. 

Róbert Karl Hlöðversson var stigahæstur í liði Íslands með 11 stig, Hafsteinn Valdimarsson gerði 8 og Theodór Óskar Þorvaldsson 7. 

Tengdar fréttir

Smáþjóðaleikarnir í San Marínó 2017

Stigið sem tryggði sigurinn

• Ísland fékk 60 verðlaun
• „Ég var brjálaður“
• Tvö Íslandsmet og verðlaunaregn í frjálsum
• „Andorraleikurinn situr í okkur“

» Fleiri tengdar fréttir

• Blogga um frétt