Þær Matthildur Einarsdóttir og Heiða Elísabet Gunnarsdóttir töpuðu fimmta og síðasta leik sínum í strandblaki á Smáþjóðaleikunum í San Marínó í dag. Þær mættu þá Carole Grethen og Rebekka Klerf frá Lúxemborg og urðu lokatölur 2:0.
Matthildur og Heiða höfðu aðeins æft saman í tvær vikur fyrir leikana og geta þær borið höfuðið hátt, þrátt fyrir tap í öllum fimm viðureignum sínum á mótinu.