Fram vann öruggan sigur á KR, 32:23, á Reykjavíkurmóti karla í handknattleik í kvöld.
Staðan var jöfn, 14:14, í hálfleik en í síðari hálfleik tóku Framarar völdin og innbyrtu níu marka sigur.
Garðar Sigurjónsson og Elías Bóasson skoruðu 6 mörk hvor fyrir Fram og Þröstur Bjarkarson skoraði 5.
Hjá KR var Jóhann Gunnarsson með 5 mörk og þeir Eyþór Westmann og Sigurbjörn Markússon voru með 4 hvor.