„Við förum hrikalega illa með einhver 17 dauðafæri,“ sagði Tandri Már Konráðsson, leikmaður Stjörnunnar, í Punktalínunni eftir tap liðsins gegn HK í úrvalsdeildinni í handknattleik í Garðabænum í gær.

Leiknum lauk með sex marka sigri HK, 34:28, en Tandri Már skoraði þrjú mörk fyrir sitt lið í Garðabænum í gær en Sigurjón Guðmundsson í marki HK átti stórleik og varði alls 19 skot í leiknum.

„Auðvitað fer það í hausinn á sumum leikmönnum sem eru búnir að láta éta frá sér einhver mörg skot í röð,“ sagði Tandri.

„Þá snýst þetta líka um það hvernig íþróttamaður þú ert og hvernig þú kemur til baka,“ sagði Tandri Már meðal annars en umræðan í heild sinni er í spilaranum hér fyrir ofan.

Frétt af mbl.is

HK tryggði sætið – Víkingur og Selfoss fallin

Tengdar fréttir

Punktalínan

Ræddu umdeilda dóminn (myndskeið)

• Einar Ingi: Vanstilltir Eyjamenn (myndskeið)
• Mismælti sig illa: „Þetta er bein útsending!“
• Bjarni um Aron: Ég man ekki hvenær hann á afmæli
• „Handboltaunnendur fá drauma undanúrslit“

» Fleiri tengdar fréttir

• Blogga um frétt