Minnesota Timberwolves hóf úrslitakeppni NBA-deildarinnar í körfuknattleik á sannfærandi hátt í kvöld með því að vinna Phoenix Suns á heimavelli, 120:95.
Minnesota hafnaði í þriðja sæti Vesturdeildar og Phoenix í sjötta sætinu þannig að úrslitin koma ekki á óvart.
Anthony Edwards var einu sinni sem oftar í stóru hlutverki hjá Minnesota og skoraði 33 stig, Karl-Anthony Towns skoraði 19 og Nickeil Alexander-Walker 18. Þá tók Rudy Gobert 16 fráköst.
Kevin Durant skoraði 31 stig fyrir Phoenix, Devin Booker 18 og Bradley Beal 15.