Alþjóðlega matsfyrirtækið Moody's lækkaði í dag horfur í rekstri breska bankans Barclays úr stöðugum í neikvæðar. Er þetta gert í kjölfar hneykslismáls sem nú skekur bankann.
Lánshæfiseinkunn Barclays er C-/baa2 með neikvæðum horfum, að því er segir í tilkynningu frá Moody's en matsfyrirtækið útilokar ekki að einkunnir bankans verði lækkaðar á næstunni.
Forstjóri Barclays, Bob Diamond, sagði af sér á þriðjudag en auk hans hafa bæði framkvæmdastjóri, Jerry del Missier og stjórnarformaður bankans, Marcus Agius, látið af störfum.