Olíuverð hækkar á óvissutímum

Heimsmarkaðsverð á olíu hefur hækkað í morgun í Asíu þar sem fastlega er gert ráð fyrir að gripið verði til aðgerða í Bandaríkjunum, Kína og Evrópu til að auka hagvöxt.

Eins hafði árekstur herskips og olíuskips skammt frá Hormuz-sundi áhrif á markaði þar sem fjárfestar hafa áhyggjur af olíubirgðum og dreifingu þeirra.

Í New York hefur verð á hráolíu til afhendingar í september hækkað um 48 sent og er 93,35 Bandaríkjadalir tunnan.

Í Lundúnum hefur verð á Brent Norðursjávarolíu hækkað um 78 sent og er 113,73 dalir tunnan.

• Blogga um frétt