Hagnaðist um 711,9 milljónir

N1 hagnaðist um 711,9 milljónir á öðrum fjórðungi ársins samanborið við 634,9 milljónir á sama tíma í fyrra. Rekstrarhagnaður fyrir afskriftir fyrstu sex mánuði ársins nam 1.104 milljónum króna samanborið við 1.004 milljónir á sama tímabili 2015.

Þá jókst framlegð af vörusölu um 6,3% á öðrum ársfjórðungi og selt magn af bensíni og gasolíu um 10% milli ára.

Í lok annars ársfjórðungs var eiginfjárhlutfall félagsins tæpir 7,5 milljarðar króna, 37,5%.  

Aukin umsvif á einstaklingsmarkaði

Í afkomuskýrslu kemur fram að aukning í framlegð félagsins skýrist að mestu af auknum umsvifum á einstaklingsmarkaði og bílaþjónustu ásamt því að hækkun á heimsmarkaðsverði olíu hafði jákvæð áhrif á framlegð.

Í afkomuskýrslu félagsins kemur fram að í ljósi afkomu á fyrri helmingi ársins er gert ráð fyrir því að EBITDA ársins 2016, þ.e. rekstrartekjur fyrir afskriftir, verði 3.150 – 3.250 milljónir króna. Sú spá gerir ráð fyrir því að olíuverð verði tiltölulega stöðugt og að gengi bandaríkjadals gegn íslensku krónunni verði í kringum 118. Markaðsvirði félagsins í lok júní nam 24,3 milljörðum króna en félagið greiddi hluthöfum arð að fjárhæð 1.050 milljónir króna 7. apríl.

• Blogga um frétt