Næsta föstudag verður haldinn skiptafundur í þrotabúi Primera air sem var úrskurðað gjaldþrota á síðasta ári. Fram kemur í auglýsingu í Lögbirtingablaðinu að fundarefnið sé afstaða kröfuhafa til samnings sem eigi að ljúka þeim ágreiningsmálum sem komu upp eftir gjaldþrotið, meðal annars vegna mögulegra riftunarmála á sölu ferðaskrifstofa Primera air travel group til Andra Más Ingólfssonar, fyrrverandi eiganda og stofnanda félagsins.

Eiríkur Elís Þorláksson, skiptastjóri búsins, segir í samtali við mbl.is að hann muni leggja samning um lúkningu ágreiningsmálanna fyrir fundinn og að greidd verði atkvæði um hann af kröfuhöfum. Spurður út í möguleg riftunarmál segir hann að ekkert slíkt hafi verið sett fyrir dómstóla, en vísar að öðru leyti til ákvörðunar kröfuhafa á komandi fundi um fyrrnefndan samning.

Arion banki var einn helsti kröfuhafi í bú flugfélagsins og í ársreikningi síðasta árs voru ábyrgðir og lán vegna gjaldþrotsins færð niður um þrjá milljarða í bókum bankans.

Frétt af mbl.is

Arion tapaði 3 milljörðum á Primera

Samtals 200 kröfuhafar lýstu alls tíu milljarða króna kröfum í þrotabúið á Íslandi, en gert var ráð fyrir því í haust að kröfur á hendur Primera air í Danmörku yrðu yfir 16 milljörðum og að kröfuhafar í danska hluta rekstrarins væru yfir 500 talsins.

Fréttin hefur verið uppfærð

Tengdar fréttir

Primera Air

Kröfuhafar fengu 427 milljónir greiddar

• Primera tvöfaldar flugvélaflotann
• Vinnustöðvun gegn Primera ólögmæt
• Seinkun vegna tæknibilunar hjá Primera
• Sækja bætur vegna seinkunarinnar

» Fleiri tengdar fréttir

• Blogga um frétt