Leikkonan Rooney Mara á von á sínu öðru barni með eiginmanni sínum Joaquin Phoenix. Opinberaði hún óléttu sína á rauða dregli Alþjóðlegu kvikmyndahátíðarinnar í Berlín fyrr í mánuðinum. 

Hjónin er sögð í skýjunum með væntanlegan erfingja að því er fram kemur í nýjasta tölublaði Us Weekly. „Mara og Phoenix elska foreldrahlutverkið,“ staðfestir heimildamaður í samtali við tímaritið. „Þau eru gott teymi og hafa mikla ánægju af þessu ferðalagi.“

Fyrir eiga þau tæplega fjögurra ára son, River. Sá er nefndur í höfuðið á bróður Phoenix, leikaranum River Phoenix heitnum. Hann lést árið 1993 úr of stórum lyfjaskammti.

Mara og Phoenix kynntust þegar þau léku saman í kvikmyndinni Her frá árinu 2013. Þau byrjuðu svo saman þegar þau léku í kvikmyndinni Mary Magdalene þremur árum síðar, en þar fóru þau með hlutverk Maríu Magðalenu og Jesú Krists. 

Frétt af mbl.is

Phoenix og Mara sögð eiga von á erfingja

Rooney Mara faldi óléttukúluna í stórri dragt. AFP

Tengdar fréttir

Poppkúltúr

Skilnaðurinn eyðilagði metið

• Pierce Brosnan nær óþekkjanlegur
• Ber sama nafn og vinsælasta poppstjarna í heimi
• Laufey fagnar 25 ára afmæli
• Kryddpían Mel B átti í fimm ára sambandi við konu

» Fleiri tengdar fréttir

Frægir fjölga sér

Logi Geirs og Inga Tinna eiga von á barni

• Ragga Hólm og Elma eiga von á barni
• Frumsýndi dóttur sína á síðum People
• Gunnhildur Yrsa og Erin eiga von á barni
• „Getum ekki beðið eftir þér lengur“

» Fleiri tengdar fréttir

• Blogga um frétt