Lilja Rannveig Sigurgeirsdóttir, þingmaður Framsóknarflokksins, á von á sínu þriðja barni með eiginmanni sínum Ólafi Daða Birgissyni.
Lilja Rannveig greinir frá gleðitíðindunum á Instagram.
„Samkvæmt nýjustu tölum úr kjördæminu mun fjölga í Stafholtstungunum í haust. Eins og planið er núna þá munum við foreldrarnir fara úr maður-á-mann vörn á heimilinu og skipta yfir í svæðisvörn. Og já, engar áhyggjur, það er bara eitt á leiðinni. Endurtalning fór fram á höfuðborgarsvæðinu til öryggis,“ skrifar Lilja Rannveig á Instagram.
Fjölskylduvefur mbl.is óskar hjónunum innilega til hamingju!