„Keppnin sem ég elska, nærist á því að við rífumst,“ segir poppstjarnan Páll Óskar Hjálmtýsson í Dagmálum. Í einlægu samtali við Kristínu Sif ræðir hann um Eurovision, ástina, lífið, áhugamálin og margt fleira en að hans sögn liggur svartur skuggi yfir „gleðikeppninni“. 

Hann segir margt umhugsunarvert í samfélagi  nútímans. Ekki síst hlutverk samfélagsmiðla sem séu að hluta hannaðir til að fólk rífist og valda sundrungu meðal þess en um leið sé athyglinni náð og því felist verðmæt auglýsing í því að kljúfa fólk í fylkingar. 

Oft verið ástfanginn af fólki sem er ekki til

Páll Óskar segist sorgmæddur yfir því hvernig sé komið fyrir Eurovision-keppninni í ár. „Eurovision er keppni sem ég hef eytt mikilli orku í af lífi mínu,“ og því segir hann það hafa verið skylda sína að setja nafn sitt á lista tónlistarfólks á Íslandi sem vill ekki að Ísland taki þátt í Eurovision fái Ísrael að vera með og vísar til átakanna fyrir botni Miðjarðarhafs. 

„Það sem ég einfaldlega get ekki og „meika“ ekki eru tvöföldu skilaboðin um að Rússum sé meinuð þátttaka en Ísrael ekki.“ Söngvakeppnin sé gleðikeppni og sundrungin í kringum keppnina sem honum og fleirum sé svo kær varpi stórum skugga á allt saman.

Brot úr viðtalinu má sjá hér að ofan. Dagmál eru í heild sinni aðgengileg áskrifendum Morgunblaðsins en einnig er hægt að kaupa vikupassa.

Tengdar fréttir

Eurovision

„Það er mikill heiður að fá að kynna stig íslensku dómnefndarinnar“

• „Auðvitað hefðum við viljað enda þetta öðruvísi“
• Guðni mætti á samstöðutónleika á Eurovison-kvöldi
• Hera komst ekki áfram
• „Mér líður stórkostlega“

» Fleiri tengdar fréttir

Dagmál

Upphafsfasinn hættulegastur

• 70% Íslendinga nota lyf að staðaldri
• Áður séð sama fjölda manndrápsmála
• Aðeins 10-12% kynferðisbrota tilkynnt
• Keypti Hvítasunnudag fyrir svimandi upphæð

» Fleiri tengdar fréttir

• Blogga um frétt