Benedict XVI, páfi, ætlar að hitta sendiherra múslímskra ríkja á Ítalíu á mánudag. Páfi hefur einnig boðað fulltrúa múslímskra hópa á Ítalíu á fundinn, sem haldinn verður í Vatíkaninu á mánudag.

Tilefni fundarins eru ummæli páfa sem hafa vakið reiði meðal múslima víða um veröld.

Í ræðu sem páfi flutti í síðustu viku við háskólann í Regensburg í Þýskalandi minnti páfi áheyrendur sína á, að rök hefðu verið færð fyrir því að muninn á afstöðu múslíma og kristinna manna til ofbeldis í nafni trúboðs mætti öðrum þræði rekja til ólíkrar stöðu guðs í trúarbrögðunum. Páfi hefur hins vegar bent á, að ræðan í Þýskalandi hafi verið mistúlkuð.

Tengdar fréttir

Páfi reitir múslima til reiði

Páfinn sendir múslimum góðar kveðjur

• Mótmæla orðum páfa
• Öryggisviðbúnaður við kirkjur í Betlehem og Jenin
• Öldruð ítölsk nunna skotin til bana í Sómalíu
• Páfi segir orð sín hafa verið tilboð um samræður

» Fleiri tengdar fréttir

• Blogga um frétt