Tölvuhakkararnir sem stálu gögnum af framhjáhaldssíðunni AshleyMadison.com hafa birt upplýsingar um 32 milljónir notenda síðunnar. Þetta kemur fram í frétt Wired. Um mánuður er síðan tölvuþrjótar sem nefna sig Impact Team gerðu árás á síðuna, sem er lýst sem hulduvef (dark web) en á vef AshleyMadison.com segir að síðan sé fremsta stefnu­mótaþjón­usta heims fyr­ir gift fólk sem leit­ar eft­ir leyni­leg­um kynn­um við aðra en mak­ann sinn.

Í spurn­inga­dálki seg­ir þó að þjón­ust­an hvetji fólk ekki til fram­hjá­halds og bend­ir þeim sem eiga í sam­bandserfiðleik­um á að leita aðstoðar. Hins veg­ar sé þjón­ust­an sú allra besta fyr­ir þá sem leita eft­ir ein­hverj­um öðrum en mak­an­um til þess að upp­fylla þarf­ir sín­ar.

Í gær voru birtar upplýsingar um greiðslur milljónir manna, tölvunetföng þeirra og símanúmer fólks sem var skráð á vefinn. Hakk­ar­arn­ir hótuðu því að birta gögn­in ef síðunni yrði ekki lokað. Það var ekki gert og því hafa þeir haf­ist handa við að birta upp­lýs­ing­arn­ar. 

Þegar þeir birtu gögnin í gær sögðust þeir hafa útskýrt svikin á bak við vefinn og hversu fáránlegur hann sé líkt og skráðir félagar á honum. Nú geti allir séð upplýsingar um þetta fólk sem þar er á skrá.

„Ég er að leita að einhverjum sem er óhamingjusamur heima fyrir eða bara leiður og er að leita að einhverri spennu,“ segir einn notandi á síðunni, samkvæmt Wired. Í frétt tæknivefjarins kemur fram að um 15 þúsund notendur gefa upp netföng hjá stjórnvöldum og hernum.

Leitar að kúri og faðmlögum á framhjáhaldsíðu

Hver er þessi Ashley Madison?

Notar ekki síðuna til kynlífs

Hátíð fyrir skilnaðarlögfræðinga

Bjóða upp á ókeypis gagnaeyðingu

Birtu gögn ótrúrra maka

Tengdar fréttir

Framhjáhaldssíðan Ashley Madison

Framhjáhaldssíða greiðir sekt

• Nýir notendur streyma á Ashley Madison
• Vinsælustu Ashley Madison lykilorðin
• Guðfræðingur og átta barna faðir
• Fölsuðu gögn um konur á framhjáhaldssíðu

» Fleiri tengdar fréttir

• 1 blogg um fréttina

Bloggað um fréttina

• Mofi: Eru kristnir undir lögmálinu?