Brock Long, yfirmaður almannavarnastofnunar Bandaríkjanna, FEMA, segir að reykurinn úr efnaverksmiðjunni í Houston þar sem sprengingar urðu í morgun sé „ótrúlega hættulegur“.

Frétt af mbl.is

Tvær sprengingar heyrðust

Lögreglumaður var fluttur á sjúkrahús vegna reyksins og níu aðrir fóru þangað til að láta huga að sér, að því er BBC greindi frá.

Long sagði á blaðamannafundi í Washington að ekki væri ljóst hvort starfslið hans geti farið inn í verksmiðjuna til að meta ástandið.

Í morgun var ákveðið að rýma svæði innan þriggja kílómetra radíuss frá verksmiðjunni. 

Brock Long, í miðjunni, ræðir við blaðamenn. AFP

Búast við meiri eldi 

Eigendur efnaverksmiðjunnar búast við því að meiri eldur eigi eftir að koma þar upp.

Richard Rennard, yfirmaður hjá Arkema, hefur hvatt fólk sem hefur andað að sér reyknum sem kom úr verksmiðjunni í morgun að leita sér læknisaðstoðar en reykurinn er eitraður og fer illa í augu og lungu.

Hann bætti við: „Þetta er ekki efnaleki. Ég vil að það sé alveg ljóst. Þetta er eldsvoði.“

Eldurinn kom upp í geymi vegna vandræða með kælibúnað verksmiðjunnar eftir úrhellið sem fylgdi fellibylnum Harvey. Nauðsynlegt er að halda efnablöndum kældum í verksmiðjunni. Því er útilokað að koma í veg fyrir að það kvikni í verksmiðjunni.

Átta aðrir slíkir geymar eru í verksmiðjunni og er óttast að eldur komi einnig upp í þeim.

Flutningabíll ekur í átt að verksmiðjunni í gær. AFP

Tengdar fréttir

Óveður í Texas

Kostnaður vegna Harvey 300 milljarðar

• Irma öflugri en Harvey
• Búa sig undir komu fellibyljarins Irmu
• Irma hefur náð 215 km/klst
• Íbúar snúa heim eftir efnaverksmiðjubrunann

» Fleiri tengdar fréttir

• Blogga um frétt