Atli Gíslason hæstaréttarlögmaður, lögmaður Hjördísar Bjarkar Hákonardóttur dómstjóra, segir að Hjördís muni leita réttar síns af endurnýjuðum krafti í kjölfar þessarar embættisveitingar í Hæstarétti.

Atli sagði að með þessar embættisveitingu hefðu jafnréttislög verið brotin á Hjördísi í annað sinn.

"Jafnréttislögum er ætlað að jafna stöðu kynjanna og í Hæstarétti eru kynjahlutföllin skökk og meðan hún telst hæfari eða jafnhæf og Jón Steinar þá átti að skipa hana í embættið. Það segir hins vegar hvergi í lögum að það eigi að rétta hlut karllögmanna í Hæstarétti."

Hann sagði að Hjördís myndi leita réttar síns af endurnýjuðum krafti. "Við höfum verið í viðræðum við dómsmálaráðuneytið sem ekki hafa skilað neinu og hún mun sækja rétt sinn af endurnýjuðum krafti," sagði hann.

"Ég er á því að framkvæmdavaldið hafi gengið gegn mjög málefnalegri umsögn Hæstaréttar og það veldur mér áhyggjum hvað sjálfstæði dómstólsins varðar," sagði hann ennfremur.

Hann sagðist jafnframt óska Jóni Steinari til hamingju með starfið og velfarnaðar í því.

Tengdar fréttir

Jón Steinar skipaður hæstaréttardómari

Jón Steinar hefur áhuga á að kenna áfram

• Stefán Már Stefánsson: Vegið að undirstöðum Hæstaréttar
• Halldór: Jón Steinar er hæfur en hefði viljað Eirík í Hæstarétt
• Geir H. Haarde: Reynsla af lögmannsstörfum og málflutningi réði skipuninni
• Eiríkur Tómasson: „Aðferðinni við skipunina verður að breyta“

» Fleiri tengdar fréttir