Manninum sem lenti í umferðarslysi í Hvítársíðu í Borgarfirði síðdegis í gær er enn haldið sofandi á gjörgæsludeild Landspítalans. Maðurinn, sem er erlendur ferðamaður, var á ferð á bifhjóli eftir holóttum malarvegi í Hvítársíðu þegar hann missti stjórn á ökutækinu.
Unnusta mnnsins var farþegi á hjólinu og slapp hún án teljandi meiðsla. Þyrla Landhelgisgæslunnar var kölluð á vettvang á fimmta tímanum í gær en þá hafði maðurinn verið endurlífgaður á vettvangi.
Töluverð lausamöl var á malarveginum og einnig svokölluð „þvottabretti“ sem geta verið varasöm, líkt og kemur fram í tilkynningu frá lögreglu.
Frétt mbl.is: Haldið sofandi í öndunarvél
Frétt mbl.is: Alvarlegt slys í Borgarfirði