Stelkur gengur jaðrakan í móðurstað

Ungar jaðrakans fundust í stelkshreiðri í Önundarfirði nýverið.

Stelkurinn hafði haldið á þeim hita og gætti þeirra vel, en jaðrakanseggin voru fjögur talsins en egg stelksins var eitt. Þrír jaðrakansungar hafa þegar klakist út.

Í Morgunblaðinu í dag telur Böðvar Þórisson, forstöðumaður Náttúrustofu Vestfjarða, sem gekk fram á hreiðrið, mestar líkur á að jaðrakaninn hafi yfirgefið eggin vegna kulda.