Sundabrautin ofan í skúffu

Þegar ekið er til og frá borginni á Vesturlandsvegi er farið um hvert hringtorgið á fætur öðru og aksturinn tekur sinn tíma. Ökumenn margir hverjir horfa út á sundin blá og hugsa með sér: Hvenær kemur eiginlega þessi Sundabraut?

Staðan á þeim áformum er sú að ökumenn verða að bíða enn um sinn í allnokkur ár. Engar alvarlegar viðræður hafa átt sér stað milli ríkis og borgar, þrátt fyrir fögur fyrirheit og ótal ályktanir og bókanir gegnum tíðina.

Í umfjöllun um mál þetta í Morgunblaðinu í dag segir, að samkvæmt upplýsingum úr innanríkisráðuneytinu er biðstaða í málinu og ekki horfur á að nokkuð gerist á næstu mánuðum.

• 2 blogg um fréttina

Bloggað um fréttina

• Ómar Ragnarsson: Þingmenn Reykjavíkur kyngdu samgöngubótum fyrir Álftanesveg.
• sleggjuhvellur: Byggjum í vatnsmýrinni